Mtoto awarudisha Amber Rose na Wiz Khalifa

Wiz Khalifa akiwa na aliyekuwa mpenzi wake, Amber Rose.

INAWEZEKANA! Staa wa Hip Hop, Wiz Khalifa pamoja na aliyekuwa mpenzi wake, Amber Rose hivi karibuni walijikuta wakila Sikukuu ya Krismasi kwa pamoja huku sababu kubwa ya kurudiana ikitajwa kuwa ni mtoto wao, Sebastian (4).

Chanzo kilicho karibu na mastaa hao, kinaanika ubuyu kuwa, wawili hao tangu watengane Septemba 2014 kila mmoja amekuwa akila bata kivyake lakini uthibitisho tosha ulijidhihirisha hivi karibuni baada ya Amber kuweka video akiwa na Wiz pamoja na mtoto wao wakiponda raha.

“Kila kitu kinachoendelea kufanyika kati ya Amber na Wiz moja kwa moja ni kwa ajili ya mtoto wao (Sebastian).

“Wamekuwa na sikukuu yenye furaha na Amber lengo lake ni kumrudisha Wiz katika himaya yake, anamtaka awe naye muda wote na kuishi kama familia lakini Wiz haamini kabisa kama itawezekana,” kilisema chanzo.