MABASI YAENDAYO HARAKA HATIMAE KUANZA KAZI LEO

MAMLAKA ya Udhibiti Usafiri wa Nchi Kavu na Majini (SUMATRA) imetangaza nauli zitakazotumika kwa mabasi yaendayo haraka kuwa ni Sh 800 kutoka Mbezi hadi Kivukoni huku mwanafunzi akilipa Sh 200 kwa njia zote.

Aidha, usafiri huo unatarajia kuanza leo kwa mabasi machache na kwa siku mbili wananchi hawatalipa nauli kazi itakayofanywa na Kampuni ya UDA-RT. Akizungumza jana Dar es Salaam, Mkurugenzi Mkuu wa Sumatra, Gilliard Ngewe alisema nauli hizo zimepitishwa na Bodi ya Sumatra baada ya kutafakari viwango vilivyotokana na ukokotoaji uliozingatia masuala muhimu ya uendeshaji na kuwa nauli hizo zitaanza kutumika keshokutwa Alhamisi.

Ngewe alisema njia ya pembezoni (kutoka Mbezi Mwisho hadi Kimara Mwisho) itakuwa Sh 400, njia kuu ya Kimara-Kivukoni, Kimara-Kariakoo, Kimara-Morocco, Morocco- Kivukoni, Morocco- Kariakoo na Kariakoo- Kivukoni itakuwa Sh 650.

SOMA ZAIDI