Chura huyu wa Snura ni wa mwendokasi

Mashabiki wa muziki hivi karibuni walijikuta wakibaki wameduwaa kufuatia staili ya chura aliyokuwa akiicheza msanii Snura Mushi akiwa na kundi lake kiasi cha kupachikwa jina la Chura wa Mwendokasi.

 Ilikuwa ni wiki iliyopita ndani ya Viwanja vya Posta, Kijitonyama jijini Dar kulikokuwa na Tamasha la Mwendokasi Festival ambapo Snura alikuwa kati ya wasanii waliotumbuza.

Balaa lilikuwa pale mwanadada huyo aliyejaaliwa shepu matata alipopanda jukwaani ambapo staili yake ya kukata mauno ilibamba na ndipo wengi walipompachika jina la Chura wa Mwendokasi.

 “Kiukweli Snura yuko vizuri sana, hii staili yake mpya ya Chura wa Mwendokasi ndiyo anamaliza kabisa,” alisema shabiki mmoja aliyekuwa uwanjani hapo.